Celtic Lyrics Corner > Artists & Groups > Back Of The Moon > Luminosity > Glenlogie

   
Luminosity Glenlogie
   
Credits: Traditional
   
Appears On: Luminosity
   
Language: Scots-English
   
Other Versions: "Jean O' Bethelnie" on Old Blind Dogs' album Close To The Bone
   

Lyrics:

There were nine and nine nobles rade through Banchory Fair
And bonny Glenlogie was the flooer o' a' there
There were nine and nine nobles sat at the king's dine
And bonny Glenlogie was the flooer o' twice nine

Doon cam Jeannie Gordon, she cam trippin' doon the stair
An' she's chosen Glenlogie oot o' a' that wis there
She ca'd on his footpage that ran by his side
Sayin', "Wha is this young man, and whaur dis he bide?"

He's styllt Glenlogie when he is at hame
An' he's o' the noble Gordons, Lord John is his name
Glenlogie, Glenlogie, gin ye will prove kind
Oh my love is laid upon ye, noo I've tellt ye my mind

Oh the Gordon turned lightly, as the Gordons does a'
I thank ye, Jeannie Gordon, but I'm promised awa'

She ca'd on her maidens tae mak her a bed
Wi' ribbons and napkins tae tie up her head
Oh lay me doon gently, pit my face tae the wa'
Tak the rings frae my fingers, my jewels and a'

But her faither's ain chaplin, bein' a man o' great skill
Weel, he's write a braid letter and indited it weel
Glenlogie, Glenlogie, gin ye are at hame
Oh this lady's love's laid on ye, must she die in her prime?

When Glenlogie got the letter, he was amang men
And it's oot spake Glenlogie, "What's this young woman mean?
Go saddle me the black horse, go saddle me the broon
Bonnie Jeannie o' Bethelnie will be deid 'ere I win"

Oh pale an' wan wis she as first he's gaed in
But reid and rosy grew she when she kent it wis him
Turn 'roon, Jeannie Gordon, turn tae yer richt side
For it's I'll be yer bridegroom, if ye'll be my bride

Noo Jeannie's got marriet, an' her tochers doon told
Bonnie Jean o' Bethelnie, scarce sixteen years old
Bethelnie, Bethelnie, ye shine whar ye stand
May the heather bells 'roon ye shine ower this land

Bethelnie, Bethelnie, ye shine whar ye stand
May the heather bells 'roon ye shine ower Fyvie's land