Celtic Lyrics Corner > Compilations > Scotland The Real > Norland Wind

   
Scotland The Real Norland Wind
   
Credits: Jim Reid; lyrics by Violet Jacob
   
Appears On: Scotland The Real (compilation)
   
Language: Scots-English
   
Other Versions: "Norland Wind" on Norland Wind's album Norland Wind
   

Lyrics:

Tell me what was on yer road, ye roarin Norland wind?
As ye come blawin frae the north that's never frae ma mind
Ma feet, they've travelled England, but I'm deein for the north
"Oh man, I saw the siller tides run up the Firth o' Forth"

Wind, I ken them weel eneuch, and fine they fa' and rise
And frae the fields the creepin mist on yonder shore that lies
But tell me as ye passed them by, what saw ye on your way?
"Oh man, I rouch the rovin gulls that sail abin the Tay"

But saw ye nothing, leeing wind, afore you cam tae Fife?
For there's muckle lyin yond the Tay that's mair tae me than life
"Aye man, I swept the Angus braes ye havnae trod for years"
Oh wind, whaur gae a hameless loon that canna see for tears?

"And far above the Angus straths I heard the wild geese flee
A lang, lang skean o' beatin' wings wi their heids towards the sea
And aye their roaring voices trailed ahint them on the air"
Oh wind, hae mercy, haud your wheesht, for I daurna listen mair