|
Celtic Lyrics Corner > Artists & Groups > Old Blind Dogs > Live > The Barnyards O' Delgaty
|
Lyrics:
As I cam' in by Turra merkit
Turra merkit for tae fee
I met in wi' a fairmer cheil
Fae the Barnyards O' Delgaty
Chorus (after each verse):
Oh linten addie, toorin addie
Oh linten addie, toorin ay
Oh linten lourin, lourin lourin
The Barnyards O' Delgaty
He promised the best pair
Ever I set my een upon
Fin I got tae the Barnyards
There wis naethin' there but skin and bone
Well, the auld black horse wi' her rump
The auld fite meer lay on her wime
For a' that I could hup an' crack
She wouldna rise at yokin' time
Well, aul' Meg Smith, she maks m' brose
And it's wi' her I canna gree
First a knot and syne a mot
And aye anither jelp o' bree
Fan I gang tae the kirk on Sunday
Mony's the bonnie lassie I see
Sittin' by her faither's side
An' winkin' ower the pews at me
I can drink, I'll no be drunk
I can fecht an' no be slain
I can court anither man's wife
An' aye be welcome tae my ain
But noo m' caunle is brunt oot
It's splutterin' fairly on the wane
Oh fare ye weel, ye Barnyards
Ye'll nivver catch me
As I cam' in by Turra merkit
Turra merkit for tae fee
I met in wi' a fairmer cheil
Fae the Barnyards O' Delgaty
