Celtic Lyrics Corner > Artists & Groups > Karine Polwart > Fairest Floo'er > Mirk Mirk Is This Midnight Hour

Fairest Floo'er Mirk Mirk Is This Midnight Hour
Credits: Robert Burns; arranged by Karine Polwart & Steven Polwart
Appears On: Fairest Floo'er
Language: Scots-English


Oh mirk, mirk is this midnight hour
And loud the tempest's roar
A waefu' wanderer seeks thy tower
Lord Gregory, ope' thy door
An exile frae her faither's ha'
And a' for loving thee
At least some pity on me shaw
If love it may na be

Lord Gregory, mind'st thou not the grove
By bonnie Irwine side
Where first I own'd that virgin love
I lang, lang had denied
How aften didst thou pledge and vow
Thou wad for aye be mine
And my fond heart, itsel' sae true
It ne'er mistrusted thine

Hard is thy heart, Lord Gregory
And flinty is thy breast
Thou bolt of heaven that flashest by
Oh wilt thou bring me rest
Ye mustering thunders from above
Thy willing victim see
But spare and pardon my fause love
His wrangs to heaven and me