Celtic Lyrics Corner > Artists & Groups > Whistlebinkies > Inner Sound > The Tryst

The Tryst     Credits: James MacMillan; lyrics by William Soutar     Appears On: Inner Sound; Timber Timbre     Language: Scots-English

Lyrics:

Oh luely, luely, cam she in
And luely she lay doun
I kent her by her caller lips
And her breists sa sma' and roun
Her breists sae sma' and roun

A' through the nicht we spak nae word
Nor sindered bane frae bane
A' through the nicht I heard her hert
Gang soundin' wi' ma ain
Gang soundin' wi' ma ain

It was about the waukruif hour
When cocks began to craw
That she smooled saftly through the mirk
Afore the day would daw
Afore the day would daw

Sae luely, luely, cam she in
And luely was she gane
And wi' her a' ma simmer days
Like they had never been
Like they had never been